السلام عليكم ورحمة الله وبركاته
(1)
مقدمة هذا البحث ودواعية
الحديث عن تغلب بن وائل لا زال مستمر وسيستمر الحديث عن تاريخ تغلب
ومن تبقى منهم في هذا الوقت الملئ بمن يحاول التقرب الى تغلب
محاولاً تأصيل نفسة في تغلب الغلباء
لكي يداري زلات الماضي وعثراته
ولكي يبعد الشكوك والتشتت الواضح في نسبة
ولكي يتغنى يمجد ليس مجده او مجد اجداده
قال الرسول صلى الله عليه وسلم:"
لعن الله من انتسب لغير ابيه"
وطالما الحديث هنا ايضا عن من تبقى من تغلب وائل في هذا الزمن
فلاشك ان اول من سيذكر هم الدواسر التغالبة
(الحقبان والمشاوية والخييلات والعمور والمصارير) الذين توارثوا نسبهم الصريح
الى تغلب دون تشتت او ضياع مع الباقين من التغالبة في مختلف الارجاء
الدواسر التغالبة هم اكثر من وثق نسبهم في تغلب بن وائل
فنسبهم الى تغلب واضح صريح محدد
عزوة تغلبية من غابر الازمان توارثوها ابا عن جد
توارث الدواسر التغالبه نسبهم الى تغلب بن وائل
ولم يكتفوا الدواسر التغالبة بنحت تغلب بن وائل في ذاكرة الاجيال
بل وثقوا هذا النسب بقصائد قديمة جدا جدا
وعلى ذكر القصائد التي وثقت انساب العرب
والشعر كما هو معلوم
"ديوان العرب"
فأخبركم ان الدواسر التغالبة هم الوحيدين
الذين يملكون قصائد قديمة جدا جدا
تعود الى 500 سنه
من قبل 500 سنه عزيزي القارئ والدواسر التغالبه
يتغنون بمجد تغلب بن وائل اجدادهم
ولن تجد في التاريخ قبيلة تغلبية في هذا الزمن
تملك قصيدة عمرها 500 سنه
اي من قبل خمسة قرون غير الدواسر التغالبة
ولم يكتفي الدواسر التغالبه بقصيدة قبل 500 سنه
بل وزعوا قصائدهم على مر القرون
ولاشك عزيزي القارئ ان هذا يزعج ويؤرق
كل من يحاول ان ينتسب لتغلب وائل ويحاول العبث بتاريخ اجداد الدواسر التغالبة
فتغالبة الدواسر هم الصريحين في تغلب بن وائل
وعلى من يدعي انه من تغلب ان يثبت هذا الادعاء الادله
نحن من توارث تغلب من مئات السنين
وغيرنا توارث
الضياع والتشتت
نحن المسؤولين عن تاريخ تغلب
فنحن من وثق واصل نسبنا في تغلب وائل
هل هناك غير الدواسر التغالبة توارثوا كلمة "تغلب بن وائل"؟!
الدواسر التغالبة اشهر من توارث تغلب ولم يتوارثها غيرنا بهذا الشكل المباشر
وعلى من يدعي التغلبية دون ان تكون عزوتة في تغلب وقصائدهم القديمة في تغلب
واجماع النسابة على تغلبيتهم ان يثبت هذا الادعاء والا فتغلبيته باطله
والتاريخ لا يجامل والانساب لا يجوز الترحيف فيها
ولن نرضى نحن الدواسر التغالبةان ينمتى لقبيلتنا الام تغلب من هو ليس منها
لاشك ان الدواسر التغالبة هم ذروة سنام تغلب وائل
فهم الصريحين في تغلب بن وائل!!
وغيرهم يجب ان يثبت طالما لا يملك عزوة تغلبية صريحه في تغلب بن وائل
وقصائد قديمة ولن يعتد بالجديد من القصائد اضافه الى الشهرة والتواتر
اضافه الى ادوات علم النسب الاخرى كالمخطوطات والكتب والابحاث
واقد اجمع النسابة والمؤرخين في جميع كتب الانساب
على تغلبية الدواسر الصريحه فيما اختلف النسابة كثيرا في تغلبة غيرنا
وهنا اذكر ما قاله النسابة ابن عشبان الهزاني:"انني ومن واقع البحث والتقصي الميداني لم اجد مثل التغالبه الدواسر في تفاخرهم وقصائدهم في تغلب"
لماذا الدواسر هم ذروة سنام تغلب بن وائل؟
1: لانهم من القلة الذين توارثوا تغلب بن وائل على مر العصور
تغلب فقط ولم يتوارثوا غير هذا وهذه هي عزوة التغالبة الدواسر الصريحه
منذ زمن بعيد ونحن ابناء تغلب بن وائل صريحين النسب محدد غير مشتت
عزوتنا "تغلب بن وائل" فشكرًا لذاكرة الاجيال
2:انهم الوحيدين الذين يملكون قصائد قديمة تؤكد تغلبيتهم الوائليه
فيما غيرهم لا يملك حتى قصيدة واحده وهذه بعض الامثله على القصائد القديمة جدا
للدواسر التغالبة الذين جعلوا علماء النسب يرفعون القبعه اعجابا بالدواسر التغالبه
(2)
أداة النسب: الشعر القديم جدا الذي تناقلتة القبيلة
وسأذكر اكثر من 10 قصائد وعلى من ادعلى التغلبية مثل الدواسر التغالبة
ان ياتيني بقصيدة واحد فقط!! فهل هذا يعجزة؟!!
1:قصيدة خريص بن مناع الحقباني والتي تعود الى مايقارب خمسة قرون اي 500 سنه
يا الله يا من هو على النـاس معتلـي=يعلـم نواقصهـا ويعلـم بـزودهـا
يا موحـي المصطفـى خيـر الـورى=ومحملـه بامانـة لــك يـذودهـا
حتى مشت معه الصحابه على الهـدى=وموحديـن كلمـة الله عمـودهـا
انك تفـرج كربتـي يـوم جيتـك=طالبـك يارحمـان وانْـت معبودهـا
ومن يطلبك يـارب مـاراح خايـب=يا عالـم الدنيـا ومـا فـي فنودهـا
من واهـجٍ فالصـدر ماضْـن يبـرى=وما واحدٍ غيـرك يـداوي كمودهـا
علـى مفـارق لابــة ٍ تفـرقـوا=أمـارةٍ سـاس الامـارة جدودهـا
أفعالهـم غنَّـا بهـا كـل شـاعـر=و لا خير في هـرجٍ بليّـا شهودهـا
قلتـه و انـا مـن لابتـن تغلبـيـة=سـم الأعـادي لاتبيـن حسودهـا
تغالـبٍ غـلا بــةٍ تغلبـيـة=تبرق بواريق السعـد فـي حشودهـا
حنا هل العـادا ت والطيـب والثنـا=حنّـا مراكزهـا وحنّـا نـرودهـا
أمجاد مـن الاجـداد جتنـا وراثـه=حزنـا عليهـا والأعـادي نكودهـا
حنّـا الْـذي منّـا فـوارس ربيعـة=منّـا زعامتهـا ومـنّـا أسـودهـا
يا مهبَلك يا التبّع اليماني علامـك=تبغي شفى نجـد ومنابـع سدودهـا
من دونها تغلب ظنـا وايـل الفحـل=بحد الرماح اللـي صنعهـا يهودهـا
علـى خيـولٍ مـا تْلَبـس الاعنّـه=ورثٍ على ورث من عـاد وثمودهـا
ونَطْحوه ربعـي مثـل مـزنٍ تحَـدَّر=بَرّاقهـا يلعـج وتهـدر رعـودهـا
سقْـوه كاسـات مـن المُـر علْقَـم=حتى شرب التبّـع اليمانـي نكودهـا
حنّـا بنـي تغلـب مضايـا فعولنـا=تشهد لنا نجد و ما حدَّت نفودها
حامينها بالسّيـف والـدّرع والقَنـا=نـارد عسيـرات المـوارد نرودهـا
منّـا عُـدي المُلقّـب مُهلـهِـل=وكليب وائل من ركائز جدودها
و علقمة بن سيف وعتاباً وغيرهم=ولُبيـد و الأخيـل ركائـز جودهـا
وعمرو بن كلثوم أبا عن الـرْدَى=قائد بنـي تغلـب وسيـد أسودهـا
ما طاع عمـرو بـن هنـد وغيـره=شتّـت شمايلهـا وفـرّق جنودهـا
عمرو بن هند طلـب بنـت شيخنـا=ليلى يبيها تخـدم أمـه بجودهـا
ما يدري أنهـا مـن سلالـة تغلـب=طيْب الثرى منهـا وإليهـا يعودهـا
سبهـان ملابسهـا وديبـاج ثوبهـا=سندس وياقـوت وزمـرد عقودهـا
وهودج من العاج المنقّش صنـع لهـا=وشفاً حمر سوّي خـدار لعودهـا
واليوم يبغيهـا مـع جُملـة الخَـدم=وينقض مع بكر و تغلـب عهودهـا
وصاحـوا عليهـم صيحـةٍ تغلبيـة=خيالـة الهَيْجـا زحازيـح قـودهـا
فرسان في الميـدان لاكتّـم الرمـك=زحول وزحازيح عما مـن يكودهـا
غَاراتُهم يشبَـع بهـا طايـر الخـلاء=ياكل من شيـوخ القبايـل ثنودهـا
وتشابـك الفرسـان منّـا ومنهـم=كـل أبلـج أدى مـوادي جهودهـا
وتلاقـت الشيخـان منّـا ومنهـم=مثل الرعد فـي مدلهمـات سودهـا
مثـل الرعـد فـي مزنـةٍ هرمزيـه=تلعـب رفاياهـا وتـرزم رعودهـا
قلته وأنا ترثة عياض بن تغلـب =لعـل عـود خلفـه فـي خلودهـا
هو الاميـر عيـاض ترثـت ربيعـة=طلعـت زعامتهـا وسيّـد أسودهـا
وادي العقيق حماه من كل غايـر=مسير يـوم مـا يقـرَّب حدودهـا
حفَّـر بَهـا القلبـان جـمٍ علاقـم=وشيَّد بها القلعـة ورسَّـى حدودهـا
خيَّال لا من غارت الخيـل فالوَغـى=يروي سنا سيفـه ثنَـادي فهودهـا
كـمٍ عقيـدٍ ذوَّقـه صافـي الونـى=وكمٍ فارسٍ خـلاّه فاسْفَـل لحودهـا
في وادي العقيق رماح قـومٍ تخالَفـت=تسعيـن يـوم والحرايـب بزودهـا
مشو من الوادي إلـى بـرك والركـا=والخيل تسبح فالدما إلـى عضودهـا
حتى مشـت معـه القبايـل جميعـا=بنـي تميـم خلْطَهـا ومْعَـدودهـا
هـذي مفاخرنـا وهـذي أفعالـنـا=أمجاد فزنَاهـا والاعَـادي نكودهـا
هذا وصلـى الله علـى سيـد الملـى=وعداد من حج بيت الحرم من حشودها
2- قصيدة الشاعر علي بن رميزان الحقباني وترجع الى القرن الحادي عشر ويقول فيها:-
قال العياضي والذي من قبيلة =طوال القنا فكاكة للدبايل
مامنهم اللي زارع فوق عيلم =سوانيه تشكي مرجفات المحايل
نرعا بها الزيدي وما طمن الشفا =ومقياضها الوديان حمر النثايل
ياما ذبحنا عند اليتايم من ابلج =عينه بعين الشيخ يوم الدبايل
وياما عقرنا عندها من شمرة =حصان طويل الساق للخيل صايل
حنا بني تغلب ومن نسل وايل =حريبنا تكثر عليه الوهايل
كم من عدو قد صرعنابالقنا =يكد على البيداء بضافي الخصايل
وكم كاعب قد طلقتها رماحنا =تعوضت عقب الحليل البدايل
وحنا نصقل الحرب الضريربفعلنا =كما يصقل الصايغ رهاف السلايل
3- قصيدة الشاعر صالح القديمي الحقباني مرسله الى الامام عبدالله ال فيصل آل سعود سنة 1286هـ ويقول فيها:-
يانديبي على ست أصايل =فوقها لابة تقضي اللزوم
نصها شيخنا ماضي الفعايل =لايطاوع بنا كثر العلوم
غرسنا راسخ وسط المسايل =بين فردة مع ذيك الخشوم
محتمينه بسلعات الفتايل =ماخذته الجحادر والسلوم
حن بني تغلب من نسل وايل=نحتمي الغرس من حر السموم
ياراكب اللي جديـد الكيـف زاهيـه= تلفـي بنـا فـايـز مـاضـي الفعـايـل
الشاعر اللي ظهر والله ان اوازيه= اليـن نجـعـل عـلـى كـبـده مـلايـل
الى ان قال:
رسن الجعد عافته ماهيب تبغيه= تبغي الحبيبي موطي كـل عايـل
لاولع الحرب حنا اللـي نصاليـه= حنا بني تغلـب مـن نسـل وايـل
5- قصيدة شلعان بن ظافر الودعاني مادحا فروع الدواسر :
وما فشل جمع فيه لاد الحبيبـي =مـن كـل حـر طيـب مجنـاه
وعمور لامن صك حاجب حاجب =اروا حمهم يـوم اللقـا مهـداه
وان جا الغييثي في مقاديم سرية =تكبـر علـي عدونـا بـلـواه
ولاد الحريجي ويل من بنحورهم =ضربة قضا تعطي الخصيم دواه
ومن كان في تغلب الى سمع الندا =جانا وسيف الزيـر فـي يمنـاه
- قال الشاعر : محمد بن عبدالله الودعاني مادحا جذم الدواسر التغالبة:
الاد تغلب هم هل العز والوفا =وصغارهم ما تتقي بكبار
خوالنا الوافين لطامة العدا =وافعالهم شاعت بها الاخبار
7 - وقال شاعر العمور الدواسر التغالبة عندما كسروا جيش عبدالله بن فيصل بن تركي عندما غزاهم في تمرة :
يا هل الشعب يالي فعلهم باني =يوم رزت بيارق قوم عبدالله
عقرت الخيل ثم ذبح ابن لحياني =والمناعير عدوهم من الحله
وحن بني تغلب ٍ من نسل عدناني =جدنا الي بنى الكعبة
وبيت الله فعلنا بين ٍ في ثج الاكواني =وان حربنا حريب باطنه عله
8- الشاعر ابن حشيفان العمور يرحب بالملك سعود بن عبدالعزيز عندما زار تمرة بلاد العمور التغالبة :
يالله المطلوب عز الملـــــــك على اليهود =نصـــــرة الاسلام بالسيف لا من جا زحام
يا مخال يرتهش من شمـــــــال له رعود =ما وطـــــــــى من وادي سيله عجل شمام
قمت انا ابدع لي بيوت على غـيري تكود =واتنقا من ظمــــــــــــيري حسينات الكلام
مرحبا واهلين يا حاكم نجــــــــــــد سعود =حاكم مالشام هو واليــــــــــمن وديار يام
كنه باز والطيور الذي حولــــــــــه رقود =مخضعات تحت وكره وهـــــن كنهن نيام
كنه حر موكره في مــــــــــــــعالي رجود =ويل والله من تنوشه مخالبه الجـــــــسام
كنه نمر وال فيصل معه كنــــــــهم اسود =وسامعين طايعين لابو فــــــــــــهد الامام
لا مشى يمشي معه فوق لكــــــــين جنود =نقلهم صنع السواري وهي تشظى العظام
لا ركب فوق بنت الحصــــــان اللي سنود =شبع طير الجو من عقـــــب ما ثار الكتام
كل نسل العود ماكر حـــــــــرار من حيود =واي قايدهم سعــــــــــــود هوفي الدين قام
جعل ربي يضـــــــــمنه كل ما زار الهنود =وجعل عود ارثه جعل فــــــــي جنة سلام
يوم جا تمرة فــــقيــل وعين له فهود =حن هل الشيمة ولا احد شـــحذ منا الامام
حن عيال كلـــــيب من نسل وايل ياسعود =حن بني عمك وحنا لعـــــــــــدوانك خزام
جمع تغلب لا مشى لا على الحربي هدود =يلطمون الشره وموطــــية روس العسام
ال زايد كلـبـوهم حمى غـرس النـفود =راسـخ بـيـن الـقحـاطـيـن هـو ود يـار يـــام
نـجـو بـن ...... يوم جاء كنه شرود =وكسرو لشـراف واخـذو مـحـلـه والخيام
يوم جاء ولدابن هاشم وخيم في الحدود =حذفو لسلاب من دون غرس في العدام
سار نجران يبـــي دارنا هو والزيود =عند خشـــم المعتلا ذبـــحت شيخان يام
باذكر الله عد مانسنس الغربي بنود =وعد من زار الحرم فوق عجلات همام
9- الشاعر : حمود بن شيبان الحقباني :
انا هاضني صيــــــــــــــاح ليلة مبيت =مريــــــــب على الجواد ليل العنا لها
جينا ودنــــــــــــــينا من الهجن كنه =نقينا مــــــــــرادمها ونرمي أهزالها
ركبنا على العيرات من الغرس جهمه =وعصر بني رمــــح نشرّف أطوالها
ركبنا بضو الحرب من طــــــيب فالنا =وننثر على اثــاري المعادي اشعالها
رفقنا بهن بين العشاوين ســــــــاعة =لين اجرهد اللـــــــــيل ثم طاب فالها
ساعة بدا النجم المسمى على الشفا =لا الربع من باب الفــــــرج من منالها
رفعت بعالي الصوت يا لاد تــغــلـب =هداليج باعوا بيعت ينـــــــــــهيا لها
لحقنا قبيلتهم واخــــــــــــــذنا ركابهم =وزبن الحفيا مشــــــــــوط ما ثنالها
لعناك يالعوجا وفاطـــــــــــــر مبارك =عديناك يا طماع دافـــــــــي وشالها
عاداتنا لا حارث الشـــــــــــيخ عندنا =تعشي به العرجا جــــواذي عيالها
مضرينها جداننا لهـــــــــذي ومثلها =وذي صفت راحت وحــــــنا عيالها
عقّب ردي الخيم لا قــــــــال هرجه =ولا حاكي في قـــــــــــوم الا رذالها
يبغون هزرتنا اذا ضال مجــــــلس =وهو عاجز عن شوفتـــه ما حمالها
قم يانديبي مـن علـى وســق ضـامر =لاد رهــمـــــت خطر تقـــطع حبالها
تنصـى بن جيعان منى هاشل الخلاء =له كرمة لاجا العشا ينعنالـــها
قل ! لي بوادي الراك والضــيق ديره =من الضد والأمات حامـــين جالها
بمحــــبـب ومصـبـب يـنـثر الـد مـي =مــــع كـل معــــطـاب يسرع بفـالـها
10- الشاعر عبيد بن حويل الخييلي
قد هاض مابي هرجه بجوف مجلس =يقولـهـا متعـرضـيـن القـبـايـل
يقول وطنكم نـازحٍ عـن وطنـا =رحتوا مـع العجمـان يـا نسـل وايـل
والحمد لله لابتـي عنبـر العـرب =اولاد تغـلـب كاسـبـيـن النـفـايـل
سواقـة للجيـش فـي يمـة العـدا =حمـايـةٍ لا قـلـدوهـا الـشـلايـل
مشينا مع الاجناب وسترنا عروضنا =بجـر الصحـن ومواجهـةٍ للهوايـــل
رحنا لبني عمنا وشافـوا افعولنـا =يـوم السيالـي خيلـنـا مــا تفـايـل
يوم المري يقول لحقوا على البقـر =ما عاد حـق الشـوف شـاف الهوايـل
حكامهـم قامـوا جميـع بركضـه =لـيـن علقـوهـم الـدمـي الوشـايـل
مركاض ربعي حط للطيـر مسهـم =والظبعـه العرجـا لـهـا الفضـايـل
ترى طعنـا مـن قديـم مجـرب =منـه ابــن شـبـلان وزان النثـايـل
خلي طريـح مالقـى مـن يشيلـه =عليـه يبـكـن ضافـيـات الجـدايـل
مع ابن لامـي والمعرقـب جنايـز =عليـهـم والله هـلـدمـن الـحـلايـل
كم شيخ قـومٍ لابتـي حولـوا بـه =مثل آل حلاف حولـوا مـن الاصايـل
افعول ربعي يابن روضـه قديمـه =مهـوب هـرج فـي ضـلال الذوايـل
حنا لنا من قبـل الإسـلام تاريـخ =وفعـل جميـل بعـد الإسـلام هـايـل
سدنا وحكمنا في العـراق وغيـره =شـرق وشمـال بالسيـوف الصقـايـل
والشـام مشينـا عليـه الطوابيـر =حنـا محينـا الـروم مـن دار وايــل
وختمت انا قولي بصلاة على النبي =اعـداد مـا يمطـر سحـاب المخايـل
الشيخ : محمد بن زيد بن جريس الخييلي :
ما علينا من هرج ما شحنا =ما درينـا بـه ولا منـه سائـل
انشد التاريخ يخبرك عنـا =حنا بني تغلب من نسـل وايـل
نفتخر بكليب والزير منـا =وعمر بن كلثوم ماضي الفعايـل
من قديم الوقت لليوم حنـا =بالقا نروي السيـوف الصقايـل
معركة ذي قار زيزومها إنا =خلـف بيرقنـا حشدنـا القبايـل
الزعامـة دوم فينـا ومنـا =عقبـوا هـرج بلـيـا دلايــل
الدليل حكامنـا هـم منـا =من بني تغلب عمى كـل عايـل
عد واغلط مكثر اللي قتلنـا =لعتلينـا فـوق قـب الاصايـل
مثل بن هندٍ زبون المجنـا =من بني تغلـب بكتـه الحلايـل
ومن تبـع اليمانـي مكنـا =اقتلـه كليـب واف الخصـايـل
في بلاد الشام ونجد سكنـا =وحتميناهـا بـحـد السـلايـل
من قبل ذا ديار بكراً وطنا =ارثوهـا انـا الجـدود الاوائـل
ومن قوله ايضا :
لاد الخييلي لابتي مـا بهـم عيـب =إلا الظفـر وذبــح حـيـلٍ سمـانـي
ترتيبهم الأول علـى كـل ترتيـب =وخـذت بحـد السيـف ماهـي تمانـي
مركاضهم يشبع به الضبع والذيـب =كسـارة الجـمـع الـزريـن بثـوانـي
حمايـة التالـي إلـى كلـح النيـب =هـاذي عـوايـد كاملـيـن المعـانـي
ربعي مرويت السيـوف المحاديـب =عنـد القـاء يـروون حــد السنـانـي
ربعي هل الطالات والمدح والطيـب =مهـوب تـوه مـن قـديـم الزمـانـي
ربعي هل الشرفاء رجال المواجيب =عـوق الخصيـم وطيبـهـم للعـوانـي
ربعي سلالة سالـم الزيـر وكليـب =وحفـاد أبـن كلثـوم عالـى المكـانـي
ربعي كعام الشره تقـدم ولاتهيـب =يردون حـوض المـوت ورد الضمانـي
مدحي لربعي لا حرام ٍ ولاعيــب =هـم عزوتـي لمنـه مـس البطـانـي
والمدح أبخص به عطيب المضاريب =وكـل أبلـج ٍ فعلـه مـن الربـع بانـي
12 - محمد بن برجس المصارير :
حنـا هـل الطـولات حنـا القديميـن= في راس تغلب من سلاطين وايـل
انا الدواسر الأصـل منـاب وازيـن= يــازون مـعـنـا طـيـيـن الحـمـايـل
خمس الفروع اللي بتغلب مسمين= ثبت لهم فـي نجـد صيـت وفعايـل
وخذوا لقب دوسر بقوة وتمكيـن= من قو سطوتهـم علـى كـل طايـل
أقـول قـول لـه ثـبـوت وبراهـيـن= ولا خـيـر فــي قــول بلـيـا دلايــل
- محمد بن ضافي المصارير :
لاد الحبـيـبـي مـرويــة كــــل مـسـنــون= أمـيـرهـم فـخــر لـهــم واعــتــزوا بــــه
من صلب اهل عشر ٍ على الموت يردون= تـغـالــب يــــا كــــود شــــيء هـقــوبــه
ومنـا عمـرو وكلـيـب والـزيـر مـرسـون= مــن مـارثـة عـدنــان ســـاس الـعـروبـه
يسـقـون حـلـو ومــر لا جــاوا يـسـقـون= وكــل عـطـوه مــن المـشـارب شـروبــه
احـد عـسـل واحــد مــن الـسـم يعـطـون= ســـم تـلــف روحـــه لنـفـسـه جــذوبــه
بـمـورد مـــاوه عـلــى الـنــار مـــوزون= وفــي حـشـرة المـجـرى تـزايـد شبـوبـه
14 - حسن بن مهدي العمور :
يا نديبي وارتحل فوق نابــــــية الظهر =حايل ومحيله ليــــــــــــن جا لزومها
نصها ربعي وخبر بمـــــــــردود الخبر =قل لهم فردة تراها بيـــــان رسومها
غرس ياللي بالقرارة تــــــمايل بالحثر =كل شيخٍ وقاضـــــــــيٍ اختبربعلومها
واالله لا حنا بنخطي ولا نـبــــغى قشر =دارنا من دونــــــــها روحنا نسومها
دونها ربعي وقوفٍ بســــــبرات النظر =كل غمر يشــــــتريها ويغلي سومها
لابتي من نسل تغلب وهم تــــــرثة عمر =فايتينٍ للقبايــــــــــــل بزين سلومها
كم حفيف من قديم سقيناه الــــــــــكدر =وكم طموح من سببنا رمت بهدومها
من حظر منا كفا الغايب اللــي ما حظر =وأنتٍ ياللــــي نازحٍ بيتجيك اعلومها
هو لاعانا اللي خدوده كــما لون القمر =بنــــــت شيخٍ نقطوها بزين رقومها
جعل صبي لا نشا ما شرى صنع الكفر =جعل ربي يرزقه من سريع سهومها
.:: إعلانات الموقع ::. 
الإهداءات
الـبحـث الـشامل الكبير في نسب الـدواسر التـغـالـبة (توثيق تاريخي من القدم وحتى الان)
العرض العادي
